பிள்ளையார் கேட்ட கேள்வி !

ஊரெல்லாம் ஒரு கொண்டாட்டமாம்..பிள்ளையார் சதுர்த்தி ஆச்சே..
காலைல எழுந்து..மனை எடுத்து..சுத்தமாக துடைத்து.அழகாய் கோலம்போட்டு

மார்கெட்டுக்கு போய்..நான் தான் போய் களிமண்ணுல பிள்ளையாரே செய்ய
போறேன் என்பதுபோல் ஒரு சீன போட்டுபுட்டு மார்கெட்டுக்கு போய்..

ஜம்முன்னு கூட்டமா பிரெண்ட்ஸ் கூட சேர்த்து நிற்கும் நம்ம ஆணி பில்லா
உமாச்சிய ( பிள்ளயாரத்தான் அப்படி செல்லமா சொல்வேன்..இப்போ இல்லை
கொழந்தையா இருக்கறச்சே )  கண் வச்சு ஜம்முன்னு மனைல ஒக்காரவச்சு..
பாத்து பாத்து குடை வாங்கி ( பிள்ளையார கரைச்ச உடனே குடை நமக்கு வருமே..அதான் அப்படி பாத்து பாத்து வாங்குவேன்..

கூடவே அருகம்புல் , எருக்க மாலை , தோரனமுன்னு நம்ம பிள்ளையாரபெறுமாய வீட்டுக்கு கூட்டிகிட்டு வருவேன்..அதுதான் என்
பிள்ளையார் சதுர்த்தி கடமை !! பல வருடங்களாக..

இப்போ இங்க ஷார்ஜா ல எங்கே போய் நான் பிள்ளையார வாங்க அவருக்குகுடைய எங்க வாங்க?? அருகம் புல்லோ நமக்கு
அதிர்ஷ்டம் இருந்தாள் மட்டுமே சரக்கு இருக்கும் இல்லை என்று
சாதரணமாக சொல்லிவிடுவார்கள் நம்ம சென்னை கடையில..
மண் பிள்ளையாரும் இல்லாம குடையும் இல்லாம அருகம்புல் , இருக்கம் மாலையும் இல்லாம..பிள்ளையார் சதுர்த்தியே கலை இழந்து காணப்படுகிறதுஇப்பொழுது..

சரி பாவம் கொழுக்கட்டையாவது செய்து வைப்போம் என்று நான்
களமிறங்க...தண்ணீர் வயத்து அவசர அவசரமாக மாவை கொட்ட...
அடடா  கொட்டினப்புரம் தான் தெரியுது அது மைதா மாவு...
சரி பரவல்லன்னு வேற தண்ணி வச்சு அரிசி மாவ கொட்டி கிளறி ,
பூரனமும் பண்ணி கொழுக்கட்டை பிடிச்சா..

மாவுக்கும் பூரனத்துக்கும் என்ன சண்டையோ...பூரணத்தை மூட மாவு ஏனோ
சம்மதிக்கவில்லை !! என்னென்னமோ செய்ஞ்சு பார்க்குறேன்..ம்ம்ஹும்
ஒன்னும் சரி வரல..சரின்னி வந்த வடிவத்துல எல்லாம் கொழுக்கட்டை பிடிச்சு
இட்லி தட்டுல வச்சு அடுப்புல ஏத்தி...






அப்பாடா..ஆச்சுன்னு போய் அடுப்புலேந்து கொழுக்கட்டைய எடுத்தா.....
இப்படியும் ஒரு சண்டையா மாவுக்கும் பூரனதுக்கும்???? தனித்தனியே முறைத்துக்கொண்டு நிற்கிறது!!!

இதுல என்ன பெரிய காமேடினா நான் பிச்ச கொழுக்கட்டை இப்பொழுது
எதோ அறிசிமாவும் பூரனமும் சேர்த்து செய்த களிபோல் காட்சி தர..
அவரிடம் " எல்லாம் கண் திருஷ்டிதான் - பின்ன போன முறை கொழுக்கட்டை
ஒரு விரிசல் கூட வாரமா வந்தது என்று தோழிகளிடம் சூப்பர் சீன் போட்டேன் ல அதன் விளைவுதான் இது !!! தேவை எனக்கு நல்லா வேணும." என்று நான் போலம்ப..அவரோ " பரவால்லமா..வாய்வரைதான் முழுசா வரும்..எப்படியும் விண்டு விண்டு தான் சப்டபோறோம்..கவலைபடாதே .கடவுளுக்கு அன்போட நாம் கொடுப்பதை அவர் ஏற்று கொள்வார் ! " என்று சாமாதானம் கூற..
 
மொத்தமாக அள்ளி போட்டு ஒரு மாதிரி வடிவில் கொண்டு சென்று
பிள்ளையாருக்கு நெய்வேத்யம் செய்தேன்...


என்னை பார்த்து பிள்ளையார் ஒரே கேள்விதான் கேட்பதுபோல் தோன்றியது
" நானா உன்ன கொழுக்கட்டை கேட்டேன்??? கொழுகட்டைன்னு
சொல்லிட்டு இப்படி களிகிண்டி தரியே மா !! "


என்ன சொல்ல அவரிடம்?? கொழுக்கட்டை பிடிக்க போய் களியாய்
போன கதை!!


கொவிச்சுகாதே கடவுளே..இந்த வாரமே நல்ல கொழுக்கட்டை செஞ்சுதறேன்
என்று சொல்லி வேண்டிக்கொண்டேன்..!!!