இப்போவே கண்ணக்கட்டுதே !!

ஒரு பிரபல திரையரங்கின் வாசலில்..

" டேய் ! நான் தான் அப்போவே சொன்னேன்ல? இதெல்லாம் சரிவராதுன்னு..கேட்டாத்தானே? போன மாசமே இன்டர்நெட்ல புக் பண்ணலாம்ன்னு சொன்னேன். பாரு அங்க கூட்டத்த.." என்று ஹரி முறைக்க..

ஆனது ஆகிடுச்சு இப்போ ஏன் மண்டையை உடைச்சுக்கனும் என்று சொல்வது போல் ஒரு லுக் விட்டான் கௌத்தம் ..அதற்கு ஜாய் " சரி இருங்க நான் போய் டிக்கெட் கிடைக்குதான்னு பாக்கிறேன்.."


அமைதி இழந்தவனாய் ஹரி "ஹேய் ப்ளாக்ல இருநூறு கேட்டாலும் பரவால்லடா எப்படியாவது மூணு டிக்கெட் தேத்திடு..அந்த ஏரியா பசங்க பாக்குறதுக்கு முன்னால நாம பாத்தாகனும் சொல்லிட்டேன் ஆமா .."
"நம்ம திருவண்ணாமலை போனோம்ல அங்கே கிரிவலத்துக்கு கூட இப்படி ஒரு கும்ப்ல பாக்கலடா...தலைவர் படம் ஆரம்பமே சூப்பரா இருக்குடா..."
" அங்கே பாரு!  நம்ம ஜாய் யாரையோ புடிச்சுட்டான் போல இருக்கு... " கௌத்தம் கண்கள் வெறித்து ஆச்சர்யத்துடன் கத்தினான்.

எகிறி எகிறி குதித்துக்கொண்டு ஜாய் "ஹேய் கிடைச்சிருச்சுடா மாப்ளே...ஒரு டிக்கெட்டுக்கு முன்னூறு கேட்டான் .....இருநூத்தம்பதுக்கு முடிச்சுட்டேண்டா"
இனி  அந்த பசங்க நமக்கு முன்னாடி சீன போட்டு நம்மள கடுப்படிக்க முடியாதே...என்று படு குஷியாய் குதித்தான்.

சரிவாடா போய் பாக்காலம் இன்னும் அஞ்சு நிமிஷத்துல தொடங்கிரும்...ஹரி எச்சரிக்க மூவரும் அந்த கும்பலில் நசுங்கி நார் நாராய் ஒரு வழியாய் திரையரங்கின் உள்ளே நுழைந்தார்கள்.

கையில் ஆரத்தி , கற்பூரம் என்று மக்கள் தயாராக இருந்தார்கள்.
படத்தின் பெயர் வந்ததுதான் தாமதம்...விசில் பறக்க..ரசிகர்கள் கத்த...ஒருப்பக்ம் ஸ்க்ரீன் கிட்ட பூமழை பொழிய.அப்படி ஒரு கூச்சலை மூவரில் யாருமே எதிர்பார்க்க வில்லை..

முடிவுவரை ஒரு வசனமோ இசையோ காதில் விழவே இல்லை !!

ஒருவழியா எல்லாம் முடிந்து வெல்ல வந்ததும்..அப்பாடா சூப்பர் டா கண்டிப்பா..அடுத்த வருஷம் தலைவர் படம்வரும்வரை இது ஓடப்போகுது பாரேன் என்று பேசிக்கொண்டே  வீடிருக்கும் வீதி சென்றடைந்தார்கள்.

"ஹேய் புடிங்கடா அவன..இன்னிக்கி அவங்கள விடறதாஇல்லை...போய் ஸ்கூல் பீஸ் கட்டிட்டு வாங்கடான்னா...தியேட்டர்க்கா போறீங்க...உங்கள.." என்று ஹரி அம்மா அடிக்க வர...

அதுக்குள்ள ஜானியின் அம்மாவோ " இதுக்குத்தான்..அம்மா அம்மா இன்னிக்கி கடைசி நாள் மா பீஸ் கட்டலன்னா பரீட்சை எழுத விடமாட்டாங்கம்மான்னு நடிச்சு காச புடிங்கிக்கிட்டு போனியா....போடா அப்படியே போயிடு வீட்டுக்கு வந்தே கொன்னுடுவேன் ஆமா...! "

" ஏண்டா கழிஷடை ! ஒரு நாளாவது நேரத்துக்கு ஸ்கூலுக்கு போயிருக்கியா?? 

ஒரு ஸ்லோகம் சொல்லிருக்கியா..இல்லை ஒரு பரிஷையிலாவது பெயில் ஆகாம இருந்துருக்கியா...அந்த பாழாப்போன சினிமாக்கு மட்டும் மோதல் நாள் மோதல் ஷோ போகனுமா??? பிரம்மஹத்தி!! இரு உங்கப்பாவரட்டும் "  என்று கோவமாக கௌத்தம்அம்மா கதவை சாத்திக்கொண்டு போனார்.

அன்றிரவு எல்லார்வீட்லயும் ஒரே தீபாவளிதான்!!

காலையில் பள்ளியில்...மூவரும் பெருமையாய் நேற்று பார்த்த சினிமா டிக்கெட்டை அனைவரிடமும் காட்டி சீன் போட்டனர்...அங்கிருந்து ஒரு குரல்
" அட முட்டாள்களா..இத நாங்க இன்னைக்கி ஓசிலையே டிவி ல

பாக்கபோறோமே..இதுக்க ஆளுக்கு இருநூத்தம்பாது ரூவா கொடுத்தீங்க...ஐயோ ஐயோ "

" ஆமாண்டா இன்னைக்கி டிவி ல டிரெய்லர் வெளியிட்டாங்கடா..அத போய் தியேட்டர்லதான் பாக்கனுமா லூசுபசங்களா " என்று மற்றொரு குரல்.
முதல் முறையாக மூவரும் அவர் அவர் புத்தகத்தின் பின்னால் ஒழிந்தார்கள்!!

டிஸ்கி : இது சத்தியமா நம்ம எந்திரன் டிரெய்லர் பாக்க டிக்கெட் வாங்கி திரையரங்குக்கு போன அந்த மூணு பேர் பத்தினது அல்ல !

துணுக்கு : எந்திரன் டிரெய்லர் டிக்கெட் வெறும் எழுபது தானாம்...அப்போ சினிமா?????

"கண்ணா இது வெறும் டிரெய்லர் தான் ....மெயின் பிக்சர் இனிமே தான்.பாத்தா அசந்திருவே !! "
.